MANILA, Philippines – Sinabi ng isang opisyal ng National Task Force to End Local Communist Armed Conflict (NTF-ELCAC) na ang mga kamakailang pagkatalo ng New People’s Army (NPA) sa Toboso at Cauayan, Negros Occidental ay patunay ng “irreversible collapse of the remaining communist terrorist infrastructure” sa rehiyon.
Ayon kay NTF-ELCAC executive director Undersecretary Ernesto Torres Jr., ang mga pagkalugi ng NPA ay sumisira sa matagal na nilang ideya ng tinatawag na “people’s revolution” sa Negros.
“the people themselves have now rendered their verdict. Negrenses rejected terrorism as the path toward justice and reform,” ani Torres.
Naganap ang mga sagupaan noong Abril 19 sa Toboso at Mayo 16 sa Cauayan, kung saan 19 NPA members ang napatay sa Toboso at 5 naman sa Cauayan.
Ayon kay Torres, “What collapsed in Toboso was not merely an armed unit. It was the last illusion of a movement already abandoned and despised by the very communities it falsely claimed to represent.”
Dagdag pa niya, ang Negros ay patungo na umano sa “recovery, resilience, peace, and democratic renewal.”
Ibinida rin niya ang pagdami ng mga lugar na nasa ilalim ng Stable Internal Peace and Security (SIPS) status at ang pag-dismantle ng mga guerrilla fronts, pati na ang pagdedeklara ng persona non grata laban sa CPP-NPA-NDF sa Negros.
Binanggit din niya ang kaso ng charcoal maker na si Joseph Agustin, na itinuturing ng awtoridad na biktima ng “spy-tagging,” o paratang sa mga pinaghihinalaang informant na nauuwi umano sa pagpatay.
Ayon kay Torres, “The killing of Joseph Agustin is a tragic reminder that paranoia, coercion, and violence remain embedded in the operational culture of the dying CPP-NPA-NDF movement.”
Nanawagan din siya sa Commission on Human Rights (CHR) na mas tutukan ang umano’y communist-linked violence, “terror-grooming,” at “spy-tagging killings,” at iginiit na dapat pantay ang pagtingin sa lahat ng uri ng karahasan. RNT/MND
