BACOLOD CITY – Nakuryente ang isang 42-anyos na obrero habang umiihi sa Barangay Cabahug, Cadiz City, Negros Occidental noong Linggo ng hapon, Setyembre 1.
Ang nasawi, na itinago ang pangalan, ay residente ng Barangay Alijis.
Ayon sa imbestigasyon, aksidenteng nahawakan ng biktima, na nakikipag-inuman sa mga kaibigan, ang isang live wire na konektado sa bakod habang umiihi sa dingding ng isang resort.
Dinala siya sa Cadiz District Hospital kung saan idineklara itong patay. RNT
