MANILA, Philippines – Sinabi ng Office of the Ombudsman nitong Huwebes na susunod sila sa utos ng isang komite ng Kamara na ilabas ang Statement of Assets, Liabilities, and Net Worth (SALN) ni Vice President Sara Duterte.
“Even a simple request would do, and if it’s [a] subpoena, we will comply,” ayon kay Assistant Ombudsman Mico Clavano sa isang press conference.
Noong Miyerkules, naglabas ng subpoena ang House of Representatives committee on justice para sa SALN ni Duterte mula pa noong 2007.
Kasalukuyang dinidinig ng House panel ang mga reklamong impeachment laban kay Duterte. RNT/MND
