MANILA, Philippines – Sinabi ni Impeachment court spokesperson Regie Tongol nitong Martes, Setyembre 8 na maaaring isagawa ang oral argument kung hihiling ang House prosecution panel ng subpoena para paharapin si Vice President Sara Duterte sa impeachment trial.
Ito ay matapos ianunsyo ni private prosecutor Lorna Kapunan na layon ng prosekusyon na ipatawag si Duterte sa witness stand upang kumpirmahin ang kanyang alegasyon na siya ay inosente.
Sa kabila nito, hindi pa nila hinihiling sa Senate impeachment court ang subpoena para kay Duterte “at this time.”
Ani Tongol, may magkaibang pananaw ang prosekusyon at depensa sa naturang usapin sa paggiit ng depensa sa right against self-incrimination ng Bise Presidente.
Inalala din niya nang hilingin ng prosekusyon ang subpoena para sa bank at tax records ni Duterte, asawang si Manases Carpio, at mga negosyong nakaugnay sa kanila, kung saan nagdesisyon ang impeachment court na magsagawa ng oral argument sa usapin.
“Mukhang kung ‘yun po, dokumento lang, ito po ay medyo mas higher right of a person. Under the Bill of Rights po ‘yan, na right against self-incrimination ang kinukwestyon dito,” paliwanag ni Tongol.
“So kaya po mukhang mas importante ito at magkakaroon ng ganong prosesong oral arguments when the time comes that they request for the subpoena to be issued,” dagdag pa niya.
Tinanong din si Tongol kung maaaring hindi dumalo si Duterte kahit may ilabas na subpoena.
“Well, that is within the realm of possibility sa multiverse of madness. Kasama ‘yan. So puwedeng mangyari ‘yun. However, siyempre, ang bawat aksyon ng isang tao merong kaukulang consequence. So ‘yung consequence na ‘yun, we will just cross the bridge when we get there, if ever that happens,” sagot pa niya.
Aminado si Tongol na mas madali para kay Duterte na humarap na lamang katulad ng ginawa ni dating Chief Justice Renato Corona.
Sa kabila nito ay desisyon pa rin ng Bise Presidente ang masusunod.
“Just like Chief Justice Corona, he was not called to the witness stand by the prosecutors then. He just volunteered. And as the defense counsel of CJ Corona then was saying against their advice to attend the trial, he insisted on attending the trial. So it is totally the respondent’s prerogative if she wants to be a witness.”
“Maraming nagsasabi na ‘yun ‘yung nakasama kay Chief Justice Corona, ‘yung hindi siya natanong. And seemingly, according to some people, nag-walk out siya on the impeachment proceedings. So I’m sure nobody will make the same mistake anymore, whether any witness ‘yan or even the respondent.” RNT/JGC
