P16B halaga ng illegal na droga sa Cavite sinira ng PDEA

MANILA, Philippines – Sinira ng Philippine Drug Enforcement Agency (PDEA) ang nasa ₱16,086,800,984.03 halaga ng illegal na droga nitong Huwebes, Oktubre 9 sa Integrated Waste Management Inc. (IWMI), Barangay Aguado, Trece Martires City, Cavite.

Ang seremonya ay sinaksihan nina Honorable Jonathan Keith T. Flores, Chairperson, House Committee on Dangerous Drugs and Representative ng Second District ng Bukidnon, kasama ang mga miyembro ng kanyang komite.

Nilahukan din ito nina Secretary Oscar F. Valenzuela, Chairman ng Dangerous Drugs Board (DDB); PDEA Director General Undersecretary Isagani R. Nerez; Police Lieutenant General Jose Melencio C. Nartatez Jr., Acting Chief ng Philippine National Police (PNP), at iba pang Law Enforcement Agencies, Government Agencies na miyembro ng Dangerous Drugs Board, PDEA key officials, local officials ng Trece Martires City, non-government organizations (NGOs) at media partners.

Nasa kabuuang 2,904,756.6818 gramo ng solid illegal drugs, at 14,117.8500 milliliters ng liquid illegal drugs ang sinira sa pamamagitan ng thermal decomposition o thermolysis.

Kabilang sa mga sinira ay ang 2,336,482.6324 gramo ng Methamphetamine Hydrochloride, o Shabu; 529,906.1246 gramo ng Marijuana; 3,067.6948 gramo ng MDMA o Ecstasy; 8,790.8800 gramo ng Cocaine; 11,315.9900 gramo ng Ketamine; 10,146.2600 gramo ng Nimetazepam; 41.5600 gramo ng Toluene; 4.7900 gramo ng Opium Poppy; 0.5800 gramo ng Nitrazepam; 0.1700 gramo ng Diazepam; 4,506.7200 ml. ng Liquid Marijuana; 851.1300 ml. ng Liquid Shabu; at 8,760 ml. ng Ephedrine; at 5,000 gramo ng assorted surrendered expired medicines.

Nakumpiska ang mga ito sa iba’t ibang operasyon at kasama rin dito ang malalaking bulto ng illegal na droga na narekober sa Subic, Zambales; Barangay Salitran II, Dasmariñas City, Cavite; Port of Calapan, Barangay San Antonio, Calapan City; Barangay Putatan, Muntinlupa City at BF Homes, Parañaque City. RNT/JGC