MANILA, Philippines- Instant milyonaryo ang isang mananaya ng Megalotto 6/45 makaraang mahulaan nito ang winning combination ng Megalotto 6/45 na binola kagabi.
Sa kalatas na inlabas ng Philippine Charity Sweepstakes Office (PCSO), nahulaan ng maswerteng mananaya ang kombinasyong 26-05-36-21-29-45 na may premyong P16,881.251.80.
Nasa 13 indibidwal naman ang makakukuha ng tig-P32,000 makaraang makakuha ng limang kombinasyon.
Samantala, wala namang pinalad sa UltraLotto 6/58 na kasabay binola kagabi na may kombinasyong 27-51-50-04-22-41 na may premyong P91,221,113.40 habang tatlong indibidwal ang nakakuha ng ikalawang premyo na tig-P120,000 makaraang makakuha ng limang kombinasyon.
Binobola naman ang MegaLotto 6/45 tuwing araw ng Lunes, Miyerkules at Biyernes habang ang UltraLotto ay tuwing araw ng Martes, Miyerkules at Linggo. Toto Nabaja
