ILOILO CITY – Nasamsam ang hinihinalang shabu na nagkakahalaga ng P3.4 milyon at naaresto ang isang tulak ng droga sa buy-bust operation sa Molo District dito noong Miyerkules ng gabi, Nob. 27.
Kinilala ng Iloilo City Police Office ang suspek na si alyas Bulldog, porter sa pampublikong pamilihan.
Siya ay inaresto matapos magbenta ng mga sachet ng shabu na nagkakahalaga ng humigit-kumulang P15,000 sa isang police poseur-buyer. Narekober sa kanya ang 500 gramo ng shabu. RNT
