Sa gitna ng El Niño phenomenon, nananatiling matatag ang National Irrigation Administration (NIA) sa pagbibigay ng sustainable irrigation service sa mga Pilipinong magsasaka, lalo na sa Mindanao.
Nabatid na sa pamumuno ni NIA Administrator Engr. Eduardo Eddie G. Guillen, ay matagumpay na ipinatupad ang P5.133-bilyong MMIP-II na matatagpuan sa Barangay Villarica, Midsayap, North Cotabato.
Ayon sa NIA noong Marso 2024, nagtala ang proyekto ng pangkalahatang weighted physical accomplishment (OWPA) na 99.56%. Isinagawa ang serye ng test run sa mga natapos na istruktura ng kanal sa Lower Malitubog Service Area noong Marso 18, 2024. Layunin nitong subukan ang kahandaan at kondisyon ng pagpapatakbo ng mga istruktura bago ito ibigay sa mga benepisyaryo ng mga magsasaka.
Ayon pa sa ulat may pinagmumulan ng tubig mula sa Maridagao River, ang MMIP-II ay sumasaklaw sa 9,528 ektarya ng agricultural land sa Munisipyo ng Aleosan, North Cotabato, at mga bayan ng Pangalungan at Datu Montawal sa Maguindanao del Sur sa ilalim ng Bangsamoro Autonomous Region in Muslim Mindanao (BARMM). Ang proyekto ay mayroong 4,043 magsasaka-benepisyaryo.
Kaugnay nito nito nananawagan naman si Pangulong Ferdinand R. Marcos, Jr. para sa pagkakaisa upang makamit ang pangmatagalang kapayapaan at pambansang pag-unlad, si Administrator Guillen ay nagtataguyod ng bayanihan at personal na nakipag-usap sa mga residente tungkol sa mga positibong epekto ng pagkumpleto ng MMIP-II sa kanilang kabuhayan.
Nakipagpulong siya sa mga pangulo at miyembro ng IA at binigyang-diin ang kahalagahan ng suporta at pakikipagtulungan ng mga IA tungo sa pagsasakatuparan ng proyekto.
Kaugnay nito ang paglalagay ng mga solar sump pump sa tabi ng dike ay tinutuon upang magbigay ng irigasyon sa mga tuyong lugar na may mapapalitang pasilidad para sa wastong pamamahala ng tubig at produksyon ng agrikultura. Kapag napatunayang mabisa, ito ay uulitin sa matabang agricultural na mga lugar sa loob ng Liguasan Marsh na sa huli ay magpapabago sa nasabing lugar bilang isang economic zone ng Southern Mindanao. Ang proyekto ay naglalayon din na makamit at mapanatili ang kapayapaan at kaayusan sa rehiyon sa pamamagitan ng panlipunan at agrikultural na pag-unlad.
Upang higit na mapaunlad ang irigasyong agrikultura sa Mindanao, target ng NIA na magpatupad ng panibagong P2.1-bilyong halaga ng proyektong patubig sa Lower Malitubog area na may service area na 800 ektarya. Santi Celario
