MANILA, Philippines – Dalawang indibidwal ang naaresto sa Baganga, Davao Oriental matapos makumpiska ng mga awtoridad ang mga hinihinalang iligal na sigarilyo na nagkakahalaga ng humigit-kumulang P6 milyon sa isang joint law enforcement operation noong Martes, ayon sa Philippine National Police (PNP).
Ayon sa PNP, isinagawa ang operasyon matapos ang surveillance activities ng mga pulis sa lugar, sa pangunguna ng Regional Special Operations Group 11, Baganga Municipal Police Station, at iba pang yunit.
Na-intercept ng mga awtoridad ang dalawang delivery vehicle na may lamang master cases ng hinihinalang iligal na sigarilyo, dahilan para maaresto ang dalawang lalaking suspek na edad 42 at 33.
Ang mga nakumpiskang kontrabando na tinatayang nagkakahalaga ng P6 milyon ay agad na inimbentaryo sa presensya ng mga suspek alinsunod sa standard procedures.
Kasalukuyang nasa kustodiya ng Baganga Municipal Police Station ang mga naaresto at nahaharap sa kaukulang kaso.
Sa hiwalay na operasyon sa parehong araw, inaresto rin ng mga pulis ang isang 33-anyos na Indian national sa Besao, Mountain Province at nakumpiska ang mga sigarilyo at tax liabilities na umaabot sa P850,124.49 sa isang anti-smuggling operation.
Kinasuhan ang suspek sa paglabag sa Republic Act No. 10643 o Graphic Health Warning Law at Republic Act No. 10963 o Tax Reform for Acceleration and Inclusion (TRAIN) Law.
Ang operasyon ay isinagawa ng mga lokal at regional police units sa koordinasyon ng Bureau of Internal Revenue (Bureau of Internal Revenue), kung saan nakumpiska ang iba’t ibang imported cigarette products na walang tamang tax documentation. Mary Anne Sapico
