MANILA, Philippines- Nasamsam ng mga pulis ang kabuuang P742,000 halaga ng kush at marijuana vapes mula sa tatlong indibidwal sa isang buy-bust operation sa Barangay Bangkal, Makati City nitong Biyernes.
Kinilala ang mga suspek na sina “Jeron,” 24; “Bobby,” 59; at “Kikay,” 24.
Batay sa police report, nagsagawa ang Makati City Police Station Drug Enforcement Unit ng buy-bust operation laban sa tatlo.
Nakumpiska mula sa kanila ang P574,000 halaga ng kush at P168,000 halaga ng disposable vapes na naglalaman ng marijuana/cannabis oil.
Narekober din ng mga pulis ang iba pang drug paraphernalia, electronic devices, at ang P50,000 buy-bust money.
Itinurn-over ang mga ebidensya sa Southern Police District (SPD) Forensic Unit para sa chemical analysis habang kasalukuyang nasa kustodiya ng Makati City Police Station ang mga suspek. James I. Catapusan
