MANILA, Philippines – NAGLABAS na ang Department of Budget and Management (DBM) ng P9.753 bilyong pondo para sa sa Commission on Higher Education (CHED) para tugunan ang funding deficiencies sa implementasyon ng Free Higher Education (FHE) Program sa 108 state universities and colleges (SUCs) sa buong bansa.
Saklaw ng pondo ang mga gastusing naipon ng mga SUC mula Academic Year 2022–2023 hanggang 2024–2025. Sa pamamagitan nito, mababawasan ang pinansiyal na pasaning kinailangang sagutin ng mga SUC gamit ang sarili nilang pondo.
Ayon sa DBM, ipapaabot muna ang pondo sa CHED, sa pamamagitan ng Unified Student Financial Assistance System for Tertiary Education (UniFAST), pabibilisin ang katumbas na pagpapalabas ng pondo sa kinauukulang SUCs alinsunod sa applicable guidelines.
Sinabi ni DBM Acting Secretary Kim Robert De Leon, n ang pagpapalabas ng pondo ay sumasalamin sa direktiba ni Pangulong Ferdinand Marcos Jr., na na prayoridad ng pamahalaan sa edukasyon, habang tinitiyak ang maingat at responsableng paggamit ng limitadong pondo ng gobyerno.
“With this release, we are making nearly P10 billion available to address funding requirements of our state universities and colleges while maintaining that careful fiscal balance,” ang sinabi ni De Leon.
Aniya pa, “additional funding honors commitments to our SUCs while “protecting the government’s capacity to fund other urgent national priorities.”
Ang P9.753-billion funding ay makatutulong na mapagaan ang financial pressures sa SUCs na ginamit ang kanilang available institutional resources para i- cover ang FHE-related costs.
“With the deficiencies addressed, SUCs will have greater fiscal space for other lawful institutional priorities, including academic and research programs, student services, laboratories, libraries, information technology resources and learning facilities,” ayon sa ulat.
“The funding may also support medical, dental, guidance, athletic and cultural services, as well as the rehabilitation, improvement or expansion of academic and other university facilities, subject to existing budgeting, accounting and auditing rules, and available funds,” ayon pa rin sa ulat.
Ang FHE Program ay itinatag sa ilalim ng Republic Act No. 10931 o Universal Access to Quality Tertiary Education Act, na nagbibigay ng libreng tuition at iba pang school fees sa mga kwalipikadong estudyante sa mga SUC at iba pang kinikilalang institusyon.
“Hindi unlimited ang resources ng gobyerno. Kaya ang hamon sa atin ay hindi lamang gumastos, kundi tiyaking bawat pisong inilalabas ay napupunta sa tamang pangangailangan, sa tamang panahon, at nang hindi napapabayaan ang iba pang mahahalagang serbisyo ng pamahalaan,” ang sinabi ni De Leon. KRIS JOSE
