Los Angeles, USA – Dapat pala’y nakauwi na ng bansa si Bimby mula sa Los Angeles, California nitong June 21.
Pero ayon sa bunsong anak ni Kris Aquino, limang oras bago ang scheduled flight ay pinigilan siya ng ina.
Mangiti-ngiti itong ikinuwento ni Bimby sa panayam ni Ogie Diaz sa kanya.
“My mom said, hindi raw niya kaya,” ani Bimby na ang tinutukoy ay ang ‘di kakayanin ng ina na pagkakawalay sa kanya.
Ayos lang naman daw ‘yon kay Bimby since he’s into home schooling jn LA.
Pero nilinaw ni Kris na kailangan din niyang largahan ang anak lalo’t 17 taong gulang na ito.
Ayaw raw ni Kris na ipadanas kay Bimby ang kanyang sinapit when she was her son’s age.
Teenager din daw kasi noon si Kris when her mom–Cory Aquino–became President.
Back then, she had a restricted life: “I don’t want to have a repeat of that in Bimby’s case.”
May kasunduan na naman daw ang mag-ina pag dito na si Bimby sa Pinas enjoying his last teenage years.
Ani Bimby: “I made a promise no party-party.”
Kay Kris ay wala naman daw problema kung magpa-party o clubbing ang anak: “As long as you don’t drink!”
Tulad niya, may allergy rin daw pala si Bimby sa mga alcoholic beverages.
While Bimby doesn’t mind taking care of and looking after her mom in LA–whom he considers his “world” and “universe” –magkaiba sila ng kanyang Kuya Joshua.
Sa Tarlac kasi ngayon naninirahan si Joshua, na ayaw na raw bumalik pa sa Amerika. Ronnie Carrasco III
