PINABULAANAN ng Malakanyang ang ulat na nagbitiw na sa kanyang tungkulin si Defense Secretary Gilbert Teodoro Jr.
Sa isang kalatas, sinabi ni Presidential Communications Office (PCO) Secretary Cesar Chavez na hindi nawawala ang tiwala at kumpiyansa ni Pangulong Ferdinand Marcos Jr., kay Teodoro kaya’t malabo nga abandonahin ng huli ang kanyang posisyon sa DND.
Ang tsismis aniya na kumakalat sa social media ay isang “pathetic attempts” para maghasik ng hindi pagkakasundo sa defense establishment.
“Rumors to the contrary are pathetic attempts to sow disunity in an organization united in protecting our people and defending our territory,” ang sinabi ni Chavez.
“Busy as they are with their mission, we should spare our fighting men of the corrosive politicking that has no place in their ranks,” dagdag na wika nito. Kris Jose
