MANILA, Philippines – Wala nang sapat na panahon sa ilalim ng 19th Congress para maisulong ang impeachment complaint laban kay Vice President Sara Duterte, ayon kay Manila Rep. Bienvenido Abante.
Ayon kay Abante malapit nang maghanda ang Kongreso para sa
2025 midterm elections’ campaign season kaya mahihirapan nang isingit na matalakay pa ang impeachment complaint na nanatiling nakabinbin sa Office of the Secretary General.
“I don’t think we’re ready for that yet. We don’t have enough time. We only have 10 session days left,” paliwanag ni Abante.
Sa kasalukuyan ay tatlo na ang naihain na impeachment complaint laban kay Duterte at mayroon pang 1 na inaasahang ihahain.
“So when that comes out of the Secretary General’s office, it will go to the Speaker for review. In reality, though, there’s no time left. Ten session days is too short for that. And it’s not just that, it’s already campaign season, the elections are near, and then it will be transmitted to the Senate. And we’re not even sure if the Senate will take it up,” ani Abante.
Samantala, sinabi ni Abante na wala pang lumalapit sa kanya para suportahan ang ika-apat na impeachment complaint na sinasabing ihahain ng grupo ng mga mambabatas.
Una nang sinabi ni House Secretary General Reginald Velasco na isang grupo ng mga mambabatas ang nagpaplano na gamitin ang “fast-tracked process” kung saan one-third na ng mga House members ang mag-eendorso ng reklamo upang maideretso na agad sa Senado.
Duda naman si Abante kung magagawa anh 4th complaint na kailangan pirmado ng 1/3 ng mga kongresista o nasa 103.
But at this point in time, there’s none, I don’t think that even the other congressman would want to be in it,” pagtatapos pa ni Abante. Gail Mendoza