MANILA, Philippines – Ikinabahala ng isang environmental group at church leader sa Quezon province ang pagiging bukas ng Department of Energy (DOE) na alisin ang moratorium nito sa pagtatayo ng bagong coal-fired power plant.
“It is alarming that the Department of Energy is considering lifting the coal moratorium. At a time of global oil instability, it is neither appropriate nor reasonable to return to coal — a dirty, costly, and imported source of electricity,” ayon kay Fr. Warren Puno, convenor ng Quezon for Environment (QUEEN) at director ng Ministry of Ecology of the Diocese of Lucena.
Kinwestyon ni Puno ang logic sa likod ng proposal.
“If the problem is global instability, why rely on another imported fuel that is equally vulnerable to price spikes and supply disruptions?” aniya.
Nasa Quezon ang coal-fired power plant facilities sa mga bayan ng Mauban na may dalawang planta, at sa Pagbilao na mayroong tatlong generating units.
Mayroon ding proposed 1,200-megawatt facility sa bayan ng Atimonan.
Noong Lunes, sinabi ng DOE na bukas ito sa pagsusuri sa moratorium sa bagong coal projects dahil sa tumataas na presyo ng produktong petrolyo dahil sa tensyon sa Middle East.
Ani Garin, ang anumang hakbang ay magbibigay-daan sa mga bagong coal plant na obligahin sa paggamit ng “cleaner technology” at isasama ang transition plan patungo sa renewable energy.
Nagpataw ng moratorium ang pamahalaan sa mga bagong coal plants noong 2020 para sugpuin ang carbon emissions at i-promote ang paglipat sa cleaner energy.
Sa kabila nito, hindi sakop ng polisiya ang mga existing na planta o proyekto na may planong expansion.
Samantala, iginiit ni Puno na ang coal ay hindi tumutugon sa pangamba sa energy security ng bansa.
“It only adds to the burden on the public due to high generation costs, air pollution, and damage to health and the environment,” aniya.
“The real solution to the crisis is clean, local and affordable energy — not the revival of dirty coal that should have long been abandoned,” dagdag pa ni Puno.
Ganito rin ang pangamba ni Jay Lim, program director ng public interest law group Tanggol Kalikasan, at sinabing ang proposal ay “an economic step backward.”
“With the global cost of renewable energy rapidly declining, building new coal plants locks the country into high-carbon infrastructure that risks becoming obsolete before it is fully paid off,” ani Lim. RNT/JGC
