MANILA, Philippines – Ipinanukala sa Senado ang pagbibigay ng regulasyon sa mga foreign trip ng mga opisyal ng pamahalaan at mga empleyado, partikular na sa mga sumasailalim sa imbestigasyon, preliminary inquiries, fact-finding proceedings, o audits.
Sa ilalim ng Senate Bill No. 1362, na inihain ni Senador Erwin Tulfo, walang foreign travel authority (FTA) para sa official man o personal travel, ang dapat ibigay sa sinumang empleyado ng pamahalaan na nasa ilalim ng sumusunod na sitwasyon:
Is formally charged in an administrative or criminal case, or is the subject of a pending preliminary investigation, fact-finding investigation, or audit inquiry by a competent body or authority;
Where there is a prima facie finding that the acts or omissions under inquiry may directly undermine national security, public safety, or public health; or
Where the approving authority determines that such departure would unduly prejudice or frustrate the conduct of the investigation, prosecution, or audit.
Ang FTA ay tumutukoy sa written authorization na iniisyu ng approving authority na nagbibigay permiso sa sinumang opisyal ng pamahalaan o empleyado nito na bumyahe patungong ibang bansa.
Sa ilalim ng panukala, ang aplikasyon para sa FTA, na kumpleto ng lahat ng kaukulang dokumento, ay dapat na ihain sa approving authority o duly authorized representative, 10 working days para sa official travel, o 15 calendar days para sa personal travel bago ang date of departure.
Sakop nito ang lahat ng opisyal ng pamahalaan at mga empleyado ng national government agencies, elective man o appointive, kabilang ang Government-owned or Controlled Corporations (GOCCs), government financial institutions (GFls), State Universities and Colleges (SUCs), Congress, Judiciary, Constitutional Commissions, at local government units (LGUs).
Ang sinumang opisyal na aalis ng Pilipinas nang walang kaukulang FTA ay mahaharap sa pagkabilanggo na anim hanggang 12 taon, multa na P500,000 hanggang P2 milyon, o pareho depende sa diskresyon ng korte.
Maaari ring maharap sa dismissal at perpetual disqualification mula sa public service ang sinumang lalabag dito.
Ang sinuman, opisyal man o empleyado ng pamahalaan, o private individual, na papayag, tutulong o makikipagsabwatan sa unauthorized departure ng opisyal ng pamahalaan ay maaari ring maharap sa parusa.
Sa kanyang explanatory note, iginiit ni Tulfo na may mga pagkakataong ang mga empleyado o opisyal ng pamahalaan na nahaharap sa imbestigasyon o administrative o criminal proceedings ay nakakaalis ng bansa bago pa man ito mapanagot.
“This situation has undermined the integrity of lawful inquiries, delayed the course of justice, and weakened public trust in government institutions,” dagdag ng senador. RNT/JGC
