MANILA, Philippines – HINILING ni South Korean President Lee Jae Myung kay Pangulong Ferdinand Marcos Jr. na payagan na pansamantalang ilipat sa South Korea ang nakakulong dito sa Pilipinas na Korean drug kingpin para maharap ang imbestigasyon at pag-uusig doon.
Sinabi ni Lee na “one of the difficulties faced by Koreans living abroad is the issue of public safety” sa kanyang pakikipagpulong sa mga miyembro ng Korean community sa Maynila.
Ipinaliwanag pa ni Lee na ang insidente na nakaaapekto sa Korean residents sa Pilipinas ay lumalabas na tumataas, taliwas sa kamakailan lamang na nag-trend kung saan ang pinsala sa mga mamamayan sa South Korea mula transnational crime ay bumaba.
Sa pagsasalita sa mga Koreanong nakatira sa Pilipinas, sinabi ni Lee na siya’y “made the official request to President Marcos” para sa temporary surrender ng Korean criminal sa panahon ng summit, araw ng Martes.
“Those who know may be aware — there is a person called Park something-yeol. He is said to have killed three Koreans. But this person is still exporting drugs to South Korea from inside the prison,” ayon kay Lee.
“I told (Marcos) that even inside the prison (Park) calls his girlfriend over and hangs out, and he keeps exporting drugs through Telegram,” ang dagdag na wika nito.
Si Park Wang-yeol ay naaresto ng mga awtoridad noong October 2020 matapos dalawang beses na tumakas mula sa kanyang kustodiya at kasalukuyang nagsi-serve ng 60-year prison sentence.
Kilala siya bilang ringleader ng isang brutal 2016 na pagpatay sa South Koreans nang barilin hanggang sa mamamatay sa sugarcane field sa Bacolor, Pampanga.
Sinabi ni Lee kay Pangulong Marcos na, “South Korea needs to investigate and punish this person.”
“I asked that (Park) be temporarily transferred to South Korea under a temporary surrender arrangement, and (President Marcos) said he would actively review the request as quickly as possible and try to carry it out,” aniya pa rin.
Si Park Wang-yeol, isang Korean national na binansagan na “Telegram drug kingpin” ay inaresto ng National Capital Region Police Office (NCRPO). Si Park Wang-yeol ay itinuturong responsable sa pamamaslang sa tatlo pang kapuwa niya Koreano. KRIS JOSE
