KUWAIT – Tinamaan ng “large explosion” ang tanker sa dagat na sakop ng Kuwait at nagdulot ng oil spill, iniulat ng British maritime security agency na UKMTO nitong Huwebes, Marso 5.
Sinabi ng elite Revolutionary Guards ng Iran na mayroon na silang buong kontrol sa Strait of Hormuz, isang mahalagang checkpoint sa Gulf at isa sa mahalagang shipping routes para sa enerhiya.
“The Master of a tanker at anchor, reports witnessing and hearing a large explosion on the port side then seeing a small craft leave the vicinity” sa Mubarak Al-Kabeer area ng Kuwait.
“There is oil in the water coming from a cargo tank which could have some environmental impact”.
Ayon naman sa interior ministry ng Kuwait, ang pagsabog ay naganap “outside Kuwaiti territorial waters”, o 60 kilometro mula sa Mubarak Al-Kabeer Port.
Inanunsyo naman ng Chinese shipping giant na Cosco, operator ng isa sa pinakamalaking oil tanker fleets sa mundo na sinuspinde nito ang serbisyo mula at patungo sa Gulf countries simula Miyerkules kabilang ang Kuwait. RNT/JGC
