MANILA, Philippines – Makaaapekto ang Intertropical Convergence Zone (ITCZ) at inaasahang magdadala ng maulap na kalangitan, isolated rain showers o thunderstorms sa Palawan, Visayas, at Mindanao ngayong Sabado, iniulat ng PAGASA.
Ang Metro Manila at ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa ITCZ at mga localized thunderstorms.
Maaaring magkaroon ng flash flood o landslide, iniulat din ng PAGASA, sa panahon ng matinding bagyo.
Ang forecast ng bilis ng hangin para sa buong bansa ay mahina hanggang sa katamtaman na kumikilos sa timog-silangan hanggang timog na direksyon habang ang mga baybaying dagat ay magiging mahina hanggang sa katamtaman.
Sumikat ang araw bandang 5:27 a.m. habang lulubog ito ng 6:27 p.m. RNT
