Home SPORTS Pambubugbog sa taekwondo sparring sa JIL school sa Bocaue, nakaabot na sa...

Pambubugbog sa taekwondo sparring sa JIL school sa Bocaue, nakaabot na sa PSC

Sinabi ng Philippine Sports Commission nitong Miyerkules na “aware and alarmed” ito tungkol sa taekwondo sparring incident kung saan ang isang yellow belter ay nagtamo ng mga pinsala ng ang kanyang coach  umano ay ilaban siya sa sparring kontra sa isang mas malaki at mas mabigat na lalaking black belter.

“Ang video ng insidente na kumalat sa iba’t ibang mga platform ay malinaw na nagpakita na ang neophyte ay walang awang binugbog ng kanyang kalaban na naging sanhi ng kanyang pagka-ospital,” sabi ng sports body sa isang pahayag.

Sinabi rin ng PSC na sinusuportahan nito ang mga imbestigasyon na isinasagawa ng institusyon at ng Philippine Taekwondo Association sa nasabing insidente.

“Sinusuportahan namin ang patuloy na panloob na pagsisiyasat na pinangunahan ng sangkot na institusyong pang-edukasyon at ng Philippine Taekwondo Association upang tugunan ang usapin at bigyan ng pananagutan ang nag-uudyok ng pagmamaltrato na ito, at humingi ng hustisya para sa biktima,” sabi ng PSC.

“Ang mga pagkilos na ito ay lubos na makatutulong sa lahat ng mga stakeholder sa sports sa pagpapaalala sa kanila na pangasiwaan ang kanilang mga nasasakupan – mula sa mga coach, staff, at mga atleta – na may wasto at sistematikong pangangalaga, kaya hindi na mauulit ang parehong insidente.”

Idinagdag ng ahensya na doblehin nito ang mga pagsisikap nito sa pangangampanya para sa isang ligtas na espasyo sa palakasan.

Sa panig naman ng JIL, sinabi ng pamunuan nito na sinuspinde na nila ang lahat ng trainings at aktibidad ng taekwondo upang mabigyan daan ang gingagawang imbestigasyon.

 

 

Previous article120 patay sa sunog mula Enero 2024 – BFP
Next article113 pamilya sa Abra, Ilocos Sur lumikas sa panggugulo ng NPA