MANILA, Philippines – Sinabi ng polling firm na Pulse Asia nitong Lunes na ang pangako ni Pangulong Ferdinand Marcos Jr. na babaan ang presyo ng bigas sa ₱20 kada kilo ay nakaapekto sa pagbaba ng 15 puntos sa kanyang approval rating.
“Making a promise that you will reduce rice to about half of the price ceiling and then being unable to fulfill that promise might lead to more people withdrawing their appreciation,” ani Pulse Asia President Ronald Holmes sa panayam sa CNN Philippines.
Sinabi rin ni Holmes na magiging ‘wise’ para kay Marcos na talikuran ang kanyang posisyon bilang hepe ng Department of Agriculture dahil sa tumataas na presyo ng mga pangunahing bilihin at iba pang isyu sa sektor ng agrikultura.
Ibinunyag ng Pulse Asia na sina Marcos at Vice President at Education Secretary Sara Duterte ay dumanas ng double-digit na pagbaba sa kanilang approval ratings kasunod ng mga pag-unlad sa West Philippine Sea, pagtaas ng presyo ng mga bilihin, at mga alalahanin tungkol sa confidential at intelligence funds.
“Hindi natin masasabi kung ano ang mangyayari maliban na lang kung may mga bagay na dapat gawin ng gobyerno para ma-stabilize man lang ang presyo ng mga pangunahing bilihin — lalo na ang bigas,” aniya pa. RNT
