MANILA, Philippines – Naghain ng resolusyon ang isang mambabatas upang amendahan ang 1987 Constitution sa pamamagitan ng pagkalkal sa probisyon na lumikha sa Commission on Human Rights (CHR) sa kabila nang maraming nabigong pagtatangka.
Sa Resolution of Both Houses No. 11, sinabi ni Senador Robin Padilla na layunin ng panukala na gawing “independent body” ang CHR upang matiyak na magampanan ng ahensiya ng tungkulin nito.
Ilang beses nang tinangka ni Padilla na amendaha ang Saligang Batas partikular ang ilang probisyon sa ekonomiya na hindi nakalusot dahil maaaring magalaw din ang probisyon sa usaping pulitikal partikular ang termino ng halal na opisyal.
Nitong Lunes, inihain ni ni Padilla ang Resolution of Both Houses No. 11, na aamyenda sa Sec. 17 (Human Rights) ng Art. XIII (Social Justice and Human Rights) upang lumikha ng “independent office” na CHR.
“It is essential to recalibrate the nation’s social justice and human rights policies in response to the evolving challenges posed by globalization, which introduces various forms of human rights violations, while simultaneously upholding the overarching tenets of human dignity as enshrined in the Constitution,” ayon sa resolusyon.
Diniin ni Padilla na kailangan ng CHR ang “fiscal autonomy” upang maayos nitong pamamalakad ng pondo, na hindi pinakikialaman ang trabaho ito.
Ang CHR ay nilikha ng 1987 Constitution bilang “autonomous body,” at pormal na binuo noong Mayo 5, 1987 base sa Executive Order 163.
Bukod sa pagbantay sa karapatan ng mamamayan, ito ay may tungkulin sa hindi bababa sa 16 special laws at isang executive order.
Kabilang dito ang Anti-Enforced or Involuntary Disappearance Act of 2012 (RA 10353); Special Protection of Children in Situations of Armed Conflict Act (RA 11188); ANti-Torture Act of 2009 (RA 9745); Magna Carta of Women (RA 9710); at Mental Health Act (RA 11036).
“Ensuring the CHR’s complete fiscal independence is vital for the unhindered and efficient fulfillment of its responsibilities, thereby aligning its operations with the Commission’s established mandate and other responsibilities,” ani Padilla. Ernie Reyes