MANILA, Philippines – Patay ang isang police intelligence officer matapos umanong manlaban ang aarestuhing suspek na napatay din ng awtoridad sa Davao City.
Sinabi ni Police Captain Hazel Tuazon, spokesperson ng Davao City Office, isisilbi sana ng mga pulisya ang arrest warrant laban sa isang Alyas “Osie” sa Barangay Malabog, na nahaharap sa patong-patong na kaso.
Ani Tuazon na nagpakilala ang mga operatiba na mga pulis pero sa halip na sumama, nanlaban umano ang suspek at pinaputukan ang mga awtoridad.
Dito na tinamaan si Police Staff Sergeant Noel Marundan na nagresulta sa palitan ng putok sa dalawang panig kung saan napatay din ng iba pang operatiba ang suspek. RNT
