MANILA, Philippines – Arestado ang isang German national nitong Biyernes, Pebrero 13 sa Ninoy Aquino International Airport (NAIA) Terminal 3 matapos umanong magtangka na magpuslit ng mahigit P55 milyong halaga ng shabu na itinago sa loob ng mga Bibliya at luggage lining, ayon sa Bureau of Customs (BOC) nitong Sabado, Pebrero 14.
Ang pasahero na dumating sakay ng connecting flight mula Addis Ababa, Ethiopia, ay hinarang sa routine baggage screening matapos makita ang mga iregularidad sa X-ray images.
Nagsagawa ng full inspection ang customs examiners at nakita ang mga puting crystalline substances hidden na itinago sa pekeng compartment ng mga bagahe at sa loob ng dalawang Bibliya na nakabalot sa layer ng mga plastic at duct tape.
Tumitimbang ang mga nasamsam na droga ng 8,145 gramo at nagkakahalaga ng P55.386 milyon.
Kabilang sa operasyon ang mga tauhan ng BOC-NAIA, the Customs Anti-Illegal Drug Task Force, NAIA Inter-Agency Drug Interdiction Task Group, at Philippine Drug Enforcement Agency (PDEA).
Itinurn-over na sa PDEA ang suspek at mga nakumpiskang illegal na droga at nahaharap ito sa posibleng paglabag sa Comprehensive Dangerous Drugs Act at Customs Modernization and Tariff Act.
“We are tightening our controls through technology, intelligence, and inter-agency coordination. Our message is clear—attempts to bring illegal drugs into the country will be detected, intercepted, and prosecuted,” sinabi ni Customs Commissioner Ariel Nepomuceno. RNT/JGC
