Pasig River Ferry ops suspendido sa Pasko, Bagong Taon

MANILA, Philippines- Pansamantalang ititigil ng Pasig River Ferry Service (PRFS) ang operasyon nito sa Pasko at Bagong Taon, ayon sa Metro Manila Development Authority- PRFS nitong Biyernes.

Sa isang Facebook post, sinabi ng ahensya na sususpendihin ang operasyon sa mga sumusunod na petsa:

• December 24, 2024 (special non-working holiday)

• December 25, 2024 (regular holiday)

• December 30, 2024 (regular holiday)

• January 1, 2025 (regular holiday)

Samantala, limitado naman ang operasyon sa December 31 sa half day. 

Inihayag ng PRFS na mananatili ang regular operations sa December 23, December 26, 27, at 28. RNT/SA