MANILA, Philippines – HALF-DAY lang ang magiging pasok ng mga empleyado ng gobyerno, sa Marso 27, 2024, araw ng Miyerkoles.
Inanunsyo kasi ng Malakanyang ang suspensyon ng pasok para sa mga empleyado ng gobyerno pagsapit ng tanghali sa nasabing petsa.
Sa ipinalabas ng Malakanyang na Memorandum Circular No.45, layon nito na bigyan ang mga empleyado ng pamahalaan ng ganap na oportunidad na maobserbahan ng maayos ang Maundy Thursday (Huwebes Santo) at Good Friday (Biyernes Santo) sa Marso 28-29 at pahintulutan ang mga Ito na bumiyahe papunta at mula sa iba’t ibang rehiyon sa bansa.
“Work in government offices on 27 March 2024 is hereby suspended from 12:00 o’clock in the afternoon onwards,” ang nakasaad sa abiso.
“However, those agencies whose functions involve the delivery of basic and health services, preparedness/response to disasters and calamities, and/or the performance of other vital services shall continue with their operations and render the
necessary services,” saad pa.
Samantala, ang suspensyon ng trabaho sa mga pribadong kompanya at tanggapan ay ipinauubaya sa diskresyon ng kani-kanilang employers.
Ang nasabing circular ay dapat na kagyat na maging epektibo. Kris Jose
