MANILA, Philippines – Binitbit sa kulungan mula sa ospital ang isang pasyente at kanyang bantay na naaktuhang sumisinghot ng droga sa loob mismo ng ospital sa Imus, Cavite.
Nahuli ang dalawang suspek matapos ang isinagawang routine check ang isang guwardiya nang mapansin niya ang lighter at weighing scale na dala ng pasyente.
Pagsilip sa kwarto ng pasyente, doon na naaktuhan ang paggamit ng droga ng pasyente at bantay nito.
Nasabat ang ilang pakete ng shabu umano, drug paraphernalia at weighing scale sa dalawang suspek, na umaming gumagamit sila ng ilegal na droga.
Nakatakda na sanang lumabas sa ospital ang pasyente pero matagal-tagal pa ang ilalagi niya sa kulungan. RNT
