MANILA, Philippines – Umakyat na sa 20 ang bilang ng mga nasawi sa gumuhong gusali sa Angeles City, Pampanga, ayon sa Bureau Fire Protection (BFP) Central Luzon nitong Martes, Hunyo 2.
Sa update, sinabi ng BFP Central Luzon na tatlo pang bangkay ang narekober mula sa guho nitong hapon ng Martes ng 1:13, 1:17 at 1:19 ng hapon.
“As responders worked to establish access to Victim #18, who was located at 1110H, the operation led to the discovery of two more victims at 1303H, later designated as Victim #19 and Victim #20.”
“Victim #19 was subsequently extricated at 1313H, followed by Victim #18 at 1317H and Victim #20 at 1319H,” dagdag ng BFP.
Nagpapatuloy ang operasyon kasabay ng paglinis ng mga debris at pagpapalawak ng access sa collapse site.
Dahil dito ay nasa 20 na ang kumpirmadong nasawi, 27 ang nasagip, at wala nang nawawala sa insidente. RNT/JGC
