MANILA, Philippines – Kinumpirma ni Cavite Rep. Francisco “Kiko” Barzaga nitong Martes, Hunyo 2, na posible siyang mapatalsik mula sa Kamara.
Ani Barzaga, ito ay matapos na irekomenda ng House committee on ethics ang expulsion sa kanya matapos ang ilang linggo ng ispekulasyon na aalisin siya sa hanay ng mga mambabatas.
“Since it’s my last day today, I’m saying my goodbyes to my fellow colleagues,” sinabi ni Barzaga, sabay sabing sinabihan niya umano ang mga kasamahan sa Kamara na, “not to steal anymore.”
“Bye-bye, crocodiles,” dagdag pa nito.
Si Barzaga ay dalawang beses nang nasuspinde matapos ang kanyang mga hindi magagandang social media post at pahayag sa mga kapwa mambabatas at opisyal ng pamahalaan. RNT/JGC
