MANILA, Philippines – Pormal nang ilulunsad sa susunod na linggo ng Presidential Communications Office (PCO) ang kampanya ng administrasyong Marcos laban sa disinformation.
Ayon kay Press Secretary Cheloy Garafil, pipirma ng memorandum of understanding sa Lunes, Agosto 14, ang kanyang ahensya sa partner agencies at social media platforms para sa media and information literacy project ng pamahalaan.
Ito ay gaganapin sa Hilton Manila sa Pasay City.
“The PCO is now ready to implement the Marcos administration’s media and information literacy campaign project,” pahayag ni Garafil.
“[This] is the administration’s response to the disinformation and misinformation plaguing the country’s digital landscape, focusing on capacitating the youth to become more discerning consumers of media,” sinabi pa niya.
Kabilang sa partner agencies ng PCO ay ang
Department of Education (DepEd), Commission on Higher Education (CHED), Department of the Interior and Local Government (DILG), at Department of Social Welfare and Development (DSWD).
Inaasahan ding makikipagtulungan sa pamahalaan ang Google (YouTube), Meta (Facebook, Instagram, and Threads), TikTok at X (formerly Twitter).
Ang mga social media platform na ito ay inaasahang makatutulong sa pamahalaan sa pamamagitan ng mga tools at training upang labanan ang disinformation at misinformation.
“The [media and information literacy] will be integrated into the higher education curriculum, community-based trainings, and family-oriented programs,” ani Garafil.
Nauna nang sinabi ni PCO Undersecretary Cherbett Karen Maralit na ang anti-disinformation campaign ng pamahalaan ay makapagpapalakas sa mga Filipino upang malaman kung ano ang totoo at ano ang maling impormasyon.
Noong Abril, nangako si Pangulong Ferdinand Marcos Jr. na poprotektahan ng kanyang administrasyon ang karapatan ng media practitioners, at sisiguruhin ang freedom of expression sa ilalim ng kanyang pamumuno. RNT/JGC
