Ito ang binigyang-diin ni Pangulong Ferdinand Marcos Jr. sa kasalukuyang banta sa karapatan sa soberanya na makapipinsala sa mga Pilipino.
Sa isinagawang paggunita sa Araw ng Kagitingan, nanawagan ang Pangulo sa mga Pilipino na huwag payagan ang tinatawag nitong “oppressors in our territory.”
“Some present threats to our sovereign rights have in fact already caused physical harm to our people. Ang mga ito ay hindi katanggap-tanggap, hindi makatwiran o makatarungan,” ang bahagi ng naging talumpati ng Pangulo.
“Tulad ng ipinamalas ng ating mga ninuno, hindi tayo dapat magpasupil at magpaapi lalo na sa loob ng sarili nating bakuran,” dagdag na wika nito.
Ang pahayag na ito ng Pangulo ay bago pa lumipad patungong Washington, D.C. para dumalo sa trilateral summit kasama ang Estados Unidos at Japan.
Layon ng summit na paigtingin ang “ironclad alliance” sa kabilang ang tatlong bansa sa gitna ng tensyon sa West Philippine Sea bunsod ng agresibong aksyon ng pwersa ng Tsina.
Bago ito, napaulat na may apat na crew ng resupply vessel ng bansa ang sugatan kamakailan makaraang bombahin ng tubig ng dalawang China Coast Guard vessels habang nasa rotation and resupply mission patungong BRP Sierra Madre sa Ayungin shoal.
Dahil dito, tinuligsa ng National Security Council ang huling insidente ng pangha-harass ng China sa lehitimong operasyon ng Pilipinas sa West Philippine Sea.
Ayon sa NSC, apat na crew ng Unaizah May 4, isa sa dalawang resupply boat na patungo sa BRP Sierra Madre, ang sugatan nang mabasag ang windshield nito sa pambobomba ng water cannon ng dalawang barko Chinese Coast Guard.
Nilapatan ng lunas ang apat na sugatang crewmen sa Philippine Coast Guard vessel MRRV 4407, na nagtamo din ng pinsala matapos na unang banggain ng CCG vessel 21555.
Ayon sa NSC, ang mga patuloy na ilegal at iresponsableng aksyon ng China ay nagpapakita na kaduda-duda ang kanilang sinseridad na ayusin sa mapayapang dayalogo sa tensyon sa WPS.
Samantala, ayon sa Punong Ehekutibo ang Fall of Bataan ay tanda ng muling pagkabuhay ng “genuinely independent at sovereign Philippines.”
”82 years on, our nation remains confronted with novel challenges, in varying forms and degrees, but with the same existential impact. Some portend clear and present threats to our sovereign rights, and in fact have already caused physical harm to our people,” ayon sa Pangulo.
Samantala, nanawagan naman ang Chief Executive sa mga Pilipino na tularan ang kabayanihan at katatagan ng mga bayani na ipinagtanggol ang Bataan noong panahon ng World War II.
Ayon sa Pangulo, ang mga kasalukuyang hamon ay ”no way less grave with offensive forces continuing to threaten the nation outside and within, endangering the country’s hard-fought gains.”
“There are times when our struggles seem too complex or too daunting. Still, these are precisely the moments that we must stand by our cherished freedoms and principles, perform our tasks with utmost dedication and diligence, and fight fiercely for a better life and a brighter future,” dagdag niya. RNT/SA
