MANILA, Philippines – Hindi makikialam si Pangulong Ferdinand Marcos Jr. sa nagpapatuloy na imbestigasyon sa maanomalyang flood-control projects sa kabila nang nabanggit ang Malakanyag at ang kanyang pinsan na si Leyte 1st District Rep. Ferdinand Martin Romualdez sa kamakailan lamang na Senate blue ribbon committee hearing.
Hiningan kasi si Presidential Communications Office Undersecretary at Palace Press Officer Claire Castro sa press briefing ng komento ukol sa naging testimonya ng Marine whistleblower na si Orly Guteza na nagsabing naghatid siya ng flood-control kickbacks para kay Romualdez sa isang bahay sa Aguado Street malapit sa Malakanyang.
“Kung mayroon pong ganitong talagang pangyayari patunayan lamang po at muli hindi po makikialam ang Pangulo sa mga pag-iimbestiga na ito kaya po nag-create ng isang independent commission para po maging malaya ang pag-iimbestiga – kamag-anak, kaalyado, pinsan man, kapatid man o anuman lahat po ay dapat maimbestigahan kung dapat na maimbestigahan,” aniya pa rin.
Sa kabilang dako, nanindigan si Castro na walang kasalanan si Pangulong Marcos sa kontrobersiyal at maanomalyang food control project at kickbacs na nakukuha mula rito. ang katuwiran ni Castro, si Pangulong Marcos ang nagpalutang ng usaping ito kaya’t malabong may alam siya sa bagay na ito.
“The president would not have the courage to order an investigation himself if he knew that he had done something wrong—except, as we have said, if someone were to fabricate a story to tarnish the president’s name,” ani Castro.
“The president knows that he has nothing to do with such matters, which is why he himself called for an investigation—let us not forget that it all started with him,” ang sinabi pa rin ni Castro. (KRIS JOSE)
