MANILA, Philippines – HANDA si Pangulong Ferdinand Marcos Jr. na harapin ang anumang impeachment complaint laban sa kanya.
Sa katunayan, binigyang diin ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na ginagalang ng Pangulo ang ‘due process’ sa bansa.
Nauna rito, sinabi ni Castro na itinuturing ng Malakanyang na isang “political maneuvering” ang posibleng paghahain ng impeachment complaint laban kay Pangulong Ferdinand Marcos Jr.,
Aniya pa, alam nila ang impeachment claim, subalit binigyang diin na ang Pangulo ay nananatiling dedma at nakatuon lamang sa kanyang mga responsibilidad.
“We have seen this statement made by a lawmaker. At this point, these are unsubstantiated statements allegedly coming from the supporters of a certain politician. The President remains committed to leading and producing results for the Filipino people,” ang sinabi ni Castro.
Ayon kay Castro, ang sinasabing plano na maghain ng impeachment complaint ay walang basehan.
“Ito ay walang basehan, mga sinasabi-sabi lamang,” giit ni Castro.
Samantala, sinabi rin ni Caloocan City 2nd District Rep. Edgar Erice na ang mga talakayan sa Kongreso ay hindi lamang nakatuon sa impeachment complaint laban kay Vice President Sara Duterte, dating kaalyado ni Marcos. Ang one-year bar rule para sa pagsasampa ng impeachment laban kay Duterte ay matatapos sa Pebrero 6. Kris Jose
