MANILA, Philippines – Hinikayat ni Pangulong Ferdinand R. Marcos Jr. ang Association of Southeast Asian Nations (ASEAN) member states na palakasin ang kanilang batas para panatilihin ang kanilang digital space safe mula cyber threats, kabilang ang maling paggamit ng artificial intelligence (AI).
Ginawa ng Pangulo ang panawagan kasabay ng pagbibigay babala sa umuusbong na transnational challenges na nangangailangan na magtrabaho ang ASEAN member states para sa mas epektibong pagtugon sa cybercrimes.
“I speak of the threat of cybercrimes and the ethical and legal implications of artificial intelligence. We must ensure that our laws can govern the digital space fairly and securely,” ang sinabi ni Pangulong Marcos sa 13th ASEAN Law Ministers Meeting (ALAWMM) sa Manila Grand Hyatt sa Taguig City.
Binigyang diin nito ang pangangailangan para sa ASEAN members para paigtingin ang kanilang pagsisikap na naglalayon na gawing “sustainable, secure, and rooted in human dignity” ang paglago ng ASEAN.
Winika ng Pangulo na ang legal framework ng regional bloc ay dapat na magtrabaho para sa kapakinabangan ng kanilang mga tao.
“We make these efforts to promote the idea that the law continues to be the great equalizer of our time. This is especially true now, as we have seen how corruption, inefficiency, and impunity can erode the moral bases of our societies,” aniya pa rin.
Sa kabilang dako, pinasalamatan naman ni Pangulong Marcos ang mga ASEAN minister at senior officials, at maging ang kanilang partners, na panatlihin ang organisasyon “principled and united in today’s increasingly interconnected and complicated world.”
“Let us continue on this path as we make the Rule of Law the most enduring promise that we can make to our peoples,” aniya pa rin sabay sabing “Together, let us honor that promise and work toward it, united in the belief that justice and fairness know no borders in ASEAN.”
Samantala, nakatakdang mag-host ang Department of Justice (DOJ) ng 13th ALAWMM mula Nov. 14 hanggang 15, muling pinagtibay ang aktibong papel ng Pilipinas sa pagpapalakas at pagkakaisa ng ASEAN Community grounded sa prinsipyo ng patas, mutual trust, at ng rule of law.
Ang mga law ministers mula sa 11 ASEAN member states ay dadalo sa two-day event.
“The event builds on the progress achieved during the 12th ALAWMM and related meetings, with a renewed emphasis on regional legal resilience, access to justice, and legal innovation amid evolving global and regional challenges,” ayon sa ulat. (KRIS JOSE)
