MANILA, Philippines – NAGPALABAS ang Palasyo ng Malakanyang ng Memorandum Circular No. 34, inaatasan at hinihikayat ang mga ahensiya ng pamahalaan at local government units (LGUs) na suportahan ang mga aktibidad ng mga lolo at lola o senior citizen habang ipinagdiriwang ang taunang selebrason na Linggo ng Katandaang Filipino (Elderly Filipino Week).
Nakasaad sa September 29-memorandum na nilagdaan ni Executive Secretary Lucas Bersamin, ipinag-utos sa National Commission of Senior Citizens (NCSC) na bilisan ang pagsasagawa ng mga aktibidad at programa sa pagdiriwang Elderly Filipino Week, alinsunod sa mandato nito sa ilalim ng Republic Act (RA) 11350, o “National Commission of Senior Citizen Act”, tiyakin ang ‘full implementation; ng batas, polisiya ng pamahalaan at programa para sa mga senior citizens.
“All NGAs and instrumentalities, including GOCCs (government-owned or -controlled corporations), GFIs (government financial institutions) and SUCs (state universities and colleges) are hereby directed, and all LGUs are hereby encouraged, to extend full support for and cooperation with the NCSC in the conduct of relevant activities and programs for senior citizens during the annual celebration of the Elderly Filipino Week.” ang nakasaad sa memorandum.
Ang implementasyon ng memorandum ay popondohan ng kasalukuyan at available na inilaang halaga ng mga concerned agencies, ‘subject to budgeting, accounting, at auditing laws’ at maging ng rules and regulations.
Idineklara naman ito ng RA 11350 bilang “state policy to support measures advancing the health and well-being of Filipino senior citizens, provide services, programs and activities beneficial to them, and ensure a supportive and enabling environment for the elderly.”
Idineklara rin ng Proclamation No. 470 (s. 1994) ang unang linggo ng Oktubre ng bawat taon bilang Linggo ng Katandaang Filipino para bigyang-diin ang mahalagang papel ng sektor ng mga lolo’t lola o matatanda sa nation-building at i-promote ang kanilang karapatan at kapakanan.
Samantala, sinabi ng Malakanyang na ang taunang selebrasyon ay magiging matagumpay kung lalahok ang lahat ng national government agencies (NGAs) at instrumentalities, kabilang na ang GOCCs, GFIs, state universities at mga kolehiyo at LGUs. Kris Jose
