MANILA, Philippines – Sinabi ni Pangulong Ferdinand Marcos Jr. na ang disagreements o pagkakaiba ng palagay sa pagitan ng gobyerno at media ay hindi nagangahulugan na magka-away na ang mga ito.
Binigyang diin ng Pangulo na ang kanilang relasyon ay dapat na naka-angkla sa ‘mutual respect at open dialogue.’
Inihayag ito ni Pangulong Marcos sa oath-taking ceremony ng mga opisyal ng tatlong accredited media organizations sa Malakanyang; ang Malacañang Press Corps (MPC), ang Malacañang Cameramen Association (MCA) at ang Presidential Photojournalists Association (PPA).
“The press has its own role to play in any democracy. And of course, we do not always agree on certain things, but that does not make us adversaries. I always see it as a partnership between both the media practitioners and those of us who are holding office because, after all, we all serve the public,” ayon kay Pangulong Marcos.
“Therefore, our relationship remains grounded in mutual respect and open dialogue. And it is the only way that I know to have a productive and constructive relationship between the practitioners in the media and those of us who are in office,” aniya pa rin.
Tinuran pa ni Pangulong Marcos na ang papel ng media ay mas lalong naging mahalaga sa gitna ng paglaganap ng disinformation at lumalaking paggamit ng artificial intelligence.
“Whether through reports, photographs, videos, your work helps Filipinos to understand the events and to know how these events affect their lives and the decisions that they will have to make for themselves in light of the context that you make and offer,” anito.
Tinatrabaho rin ng administrasyon ang paglaban sa disinformation sa pamamagitan ng “Oplan Kontra Fake News” initiative nito.
Gayundin, sinabi pa ni Pangulong Marcos na committed ang administrasyon na protektahan ang mga mamamahayag at iba pang media workers mula sa pagbabanta at karahasan.
“This administration remains committed to ensuring that our reporters, our photojournalists and cameramen can perform their duties freely, safely and without fear of intimidation or violence from anywhere,” ang tinuran ni Pangulong Marcos.
Tinukoy din ng Pangulo ang trabaho ng Presidential Task Force on Media Security sa pagprotekta sa mga mamamahayag kabilang na ang pagtatatag ng media monitoring centers sa panahon ng Bangsamoro parliamentary elections. (KRIS JOSE)
