MANILA, Philippines – Masusing sinusuri ngayon sa pamamagitan ng detalyadong forensic examinatin ang umano’y underwater drone ng China na unang nakuha ng mga mangingisda sa Linapacan, Palawan.
Ayon sa Philippine Coast Guard (PCG), base sa paunang obserbasyon, may dalang conductivity-temperature-depth sensor ang device.
Karaniwan itong ginagamit sa oceanopgraphic profiling at may Chinese character at serial number.
Sinabi ng PCG na ang ganitong device tulad ng mga nadiskubre sa Ilocos Norte, Zambales, Cagayan, Misamis Oriental, at Masbate ay ginagamit sa underwater survellaince at seafloor mapping.
Ayon sa PCG, naglalayag ang mga mangingisa mula Sitio Tapic, Brgy.New Colaylayan nang madiskubre ang naturang device. Jocelyn Tabangcura-Domenden
