MANILA, Philippines- Wala pa ring maswerteng mananaya ang nakahula ng kombinasyon ng UltraLotto 6/58 na 53-45-18-41-40-13 na may premyong P142,668,861.60 sa ginanap na draw kagabi.
Nasa pitong indibidwal naman ang nakakuha ng limang numerong makapag-uuwi ng tig-P120,000, habang ang 418 indibidwal na nakakuha ng apat na numero ay makatatanggap ng tig-P2,000.
Wala ring nanalo sa kasabay na draw kagabi na MegaLotto 6/45 na may kombinasyong 44-04-27-25-15-38 at may premyong P30,921,079.20. Makakukuha naman ng tig-P32,000 ang 17 indibidwal makaraang mahulaan ng mga ito ang limang numero.
Ang UltraLotto ay binobila tuwing araw ng Martes, Biyernes at Linggo, tuwing araw naman ng Lunes, Miyerkules at Biyernes ang MegaLotto 6/45.
Samantala, inaasahan na aabot sa P280 milyon ang jackpot prize ng GrandLotto 6/55 at P5.9 milyon naman sa Lotto /42. Toto Nabaja
