MANILA, Philippines – Nilagdaan ng Philippine Drug Enforcement Agency (PDEA) at Bureau of Customs (BOC) ang isang memorandum of agreement upang palakasin ang kanilang kolaborasyon laban sa smuggling ng iligal na droga.
Ayon sa PDEA, layunin ng kasunduan na palakasin ang operational coordination sa pamamagitan ng intelligence-sharing, integrated systems, at joint operations laban sa smuggling, importation, at transportasyon ng dangerous drugs, controlled precursors, at essential chemicals.
“A central feature of the partnership is the establishment of a Drug Interdiction Task Group,” sabi ng ahensya. Ang task group ay mangunguna sa intelligence exchange, joint investigation, at pagpapalitan ng best practices at operational expertise.
Binanggit ni PDEA Director General Isagani Nerez, “This agreement sends a clear message to drug syndicates: Our ports are not safe havens for drug trafficking. By combining PDEA’s expertise with BOC’s border control capabilities, we are determined to intercept illegal drugs before they reach our communities.”
Sa kanilang kamakailang operasyon, nakumpiska ng PDEA, BOC, at PNP ang 41 kilograms ng shabu na nagkakahalaga ng P278 milyon sa Manila International Container Port noong Pebrero 10. RNT/MND
