MANILA, Philippines – Kinatigan ng Korte Suprema ang petisyon ni dating Film Development Council of the Philippines (FDCP) chairperson at CEO Liza Dino na humihiling na baligtarin ang notice of disallowance ng Commission on Audit (COA) na may petsang Marso 8, 2021.
Ipinag-utos ng COA sa FDCP sa pamumuno ni Dino na ibalik ang P876,896 na financial assistance sa mga empleyado na tinamaan ng pandemya noong 2021, sa kaban ng gobyerno.
Sinabi ni Dino na pinagbigyan ng Korte Suprema ang kanyang petisyon na kumukwestyon sa validity ng notice of disallowances vis-a-vis ng COA sa Civil Service memorandum circular sa disbursement para sa financial at healthcare assistance bilang tugon sa COVID-19 pandemic matapos i-audit ng komisyon na iginiit sa dating opisyal ng FDCP na ibalik ang nasabing halaga sa gobyerno.
“Petitioners … are all EXCUSED from the solidary liability to return the total disallowed amount of P 876,896.87. As for the officers and employees of the FDCP who individually received the financial and healthcare assistance, they are likewise excused from the obligation to return the amounts they respectively received,” bahagi ng desisyon ng Korte Suprema na inilabas kamakailan.
Sa pagtataguyod ng posisyon ni Dino, sinabi ng Korte Suprema na ang mga petitioner at recipient ay exempted sa obligasyon na ibalik ang mga hindi pinapayagang halaga, una dahil sa pambihirang sitwasyon na dulot ng pandemya.
Bukod kay Diño, ang iba pang respondents sa kaso ay sina FDCP executive director Ria Anne S. Rubia, at mga empleyado, Jose Carlos D. Pasion, Emelita Alquiza, Juanito A. Acuña, Irish Joy F. Delfin, at Don Gervin T. Arawan. Jocelyn Tabangcura-Domenden
