MANILA, Philippines – NAGPULONG sa Kampo Aguinaldo sina AFP Chief of Staff Gen. Romeo Brawner Jr. at US Joint Chiefs of Staff chairman Gen. Charles Brown Jr.
Sumentro ang pulong sa pagpapalakas ng bilateral defense cooperation at mapalakas pa ang joint militar exercises at pagharap sa mga hamon sa regional security.
Sinasabing, matagal ng magkasama ang AFP at US forces sa joint activity gaya ng training exercises, humanitarian assistance at disaster respond.
“I do see that the relationship is gaining momentum,” ang sinabi ni Brown sa US-Philippines ties sabay sabing “I think it’s a positive trajectory.”
Sa naging pagbisita ni Brown, ito-tour ni Brawner si Brown sa isa sa Enhanced Defense Cooperation Agreement (EDCA) sites sa bansa.
Ang US ay mayroong rotation access sa kabuuang 9 na sites sa Pilipinas sa ilalim ng kasunduan na sinasabing dinisenyo para palakasin ang pinagsamang ‘training, exercises, at interoperability’ sa pagitan ng dalawang bansa.
“In the Philippines, we have a long-standing, shared interest in regional stability that’s backed by international law,” ang sinabi ni Brown.
“The Philippines is one of our oldest treaty allies in the region.”aniya pa rin.
Sinabi naman ni Col. Francel Margareth Padilla, tagapagsalita ng Armed Forces of the Philippines na ang pagbisita ni Brown ay patunay ng “solid commitment” ng Washington sa alyansa nito sa Maynila.
“Pinapakita nito ‘yong sinasabi nila na solid ‘yong commitment ng US in this alliance. If you look at the activities that are happening, continuous naman tayo sa lahat ng mga activities that are involving the US,” ayon kay Padilla.
Sa kabilang dako, nakatakda namang magdaosng ng security talks ang Estados Unidos at Pilipinas “in the coming weeks” kasama ang ‘foreign at defense ministers,’ ang sinabi ni Padilla.
Binansagan na “two-plus-two,” inaasahan na ang pagpupulong ay dadaluhan nina Foreign Secretary Enrique Manalo, Defense Secretary Teodoro Gilberto Teodoro Jr. at kanilang US counterparts Antony Blinken at Lloyd Austin.
Samantala, nakatakda namang magpunta si Brown sa Japan para makapulong ang senior government officials at military leaders para pag-usapan ang ‘regional deterrence at security cooperation’ ngayong linggo. Kris Jose
