MANILA, Philippines – Kailangan ng mahigit kalahating trilyong dolyar na halaga ng investments ang Pilipinas para maabot nito ang kinakailangang clean energy transition, sinabi ni Energy Secretary Raphael Lotilla.
Target ng pamahalaan na maabot ang 35% ng share ng renewable energy ng bansa sa power mix nito pagsapit ng 2030, at maitaas pa sa 50% pagsapit ng 2050.
Kasabay ng Economic Journalists Association of the Philippines (EJAP)-AboitizPower Renewable Energy Forum sa Makati, sinabi ni Lotilla na “for the entire plan, we are looking at hundreds of billions of dollars.”
“Our energy sector is not government owned… so it is not going to be cheap. It will require up to $500 billion of investments from both public and private,” dagdag pa ng Energy chief.
Ani Lotilla, sa naturang malaking halaga ng kapital, “we can retrofit or phaseout fossil fuel plants.”
Ang Pilipinas, kamakailan lamang, ay napili ng global fund Coalition for Emerging Market Infrastructure Investment (CEMII) bilang initial focus market nito para sa infrastructure investment sa buong Indo-Pacific Economic Framework (IPEF) economies.
Ang CEMII, isang koalisyon ng global investors, ay nangangasiwa sa $25 bilyong pondo para sa energy investment sa IPEF economies.
“Well, of course, if we can get the total of $25 billion, yes, we should aspire for that,” sinabi ni Lotilla.
Ang pagpapabilis sa transition sa clean energy ay isang paraan upang mapigilan ang mas maraming carbon emissions mula sa power sector at malimitahan ang pagtaas ng global temperature ng 1.5 degrees Celsius. RNT/JGC
