MANILA, Philippines- Magpapatupad ng “restrictions” ang Department of Human Settlements and Urban Development (DHSUD) kung saan ipagbabawal na ang pagpaparenta ng housing units na ibinibigay ng gobyerno sa mga benepisyaryo.
Ang modus na ito ay naungkat sa budget hearing para sa DHSUD, sa budget biefing na isinasagawa ng House Committee on Appropriations, sinabi ni Misamis Oriental Rep. Yevgeny Emano na maraming informal settlers ang binigyan ng condo ng gobyerno ngunit kalaunan ay pinagkakakitaan dahil pinauupahan.
Sa panig ng DHSUD, sinabi ni Secretary Jose Acuzar na batid nila ang ganitong modus kaya naman kasalukuyan na nilang pinag-aaralan ang pagpapatupad ng restrictions sa housing units.
Giit naman ni Emano, dapat ay may nakalatag na guidelines bago iturn-over ang housing units sa mga benepisyaryo.
Tiniyak ni Acuzar na gagawa ng alituntunin ang ahensya para hindi maabuso ang housing units.
Samantala, tiniyak ni Committee on Appropriations senior vice chairpersonRep. Stella Quimbo na sinusuportahan ng Kamara ang P6.4 bilyong budget ng DHSUD. Gail Mendoza
