PH Green Lane Program umabot na sa P5.168-T investments

MANILA, Philippines — Umabot sa P5.168 trilyon ang naitalang halaga ng investments sa ilalim ng Green Lane Program ng gobyerno, ayon sa Board of Investments (BOI). Sakop ng halagang ito ang 203 proyekto, karamihan ay nakatuon sa renewable energy.

Ayon kay BOI Director Ernesto Delos Reyes Jr., renewable energy ang bumubuo sa 78.33% ng mga proyekto o 159 sa kabuuan, na inaasahang lilikha ng higit 272,000 trabaho.

“This sector significantly drives foreign investments and is expected to create over 272,000 jobs, highlighting its importance for environmental and economic growth,” ani Delos Reyes.

Narito ang breakdown ng iba pang sektor:

Digital Infrastructure: 4.43% ng proyekto

Investment: P364.88 bilyon

Trabaho: 20,500+

Food Security: 15.27% ng proyekto

Investment: P18.7 bilyon

Trabaho: 7,319

Manufacturing: 1.97% ng proyekto

Investment: P36.9 bilyon

Trabaho: 3,998

Sa kabuuan, inaasahang lilikha ng mahigit 303,000 trabaho ang mga proyektong ito.

Inilunsad ang Green Lane Program noong Pebrero 2023 sa bisa ng Executive Order No. 18 upang pabilisin at gawing mas episyente ang mga proseso ng pag-apruba at pagrerehistro ng mga tinuturing na strategic investments.

Maaaring magsumite ng aplikasyon sa BOI sa personal, gamit ang kanilang Green Lane QR code, o sa email: [email protected].

Ilan sa mga pangunahing proyekto:
-P200B solar power initiative ng Meralco PowerGen Corp.

-Renewable projects ng SP New Energy Corp. (subsidiary ng Terra Solar Philippines Inc.)

-P3.4B agribusiness venture ng Metro Pacific Investments Corp. (MPIC), kabilang ang malakihang vegetable farm sa Bulacan at dairy farm sa Laguna. Kris Jose