MANILA, Philippines – Dumating sa Manila si Australian Assistant Minister for Foreign Affairs and Trade and Immigration Matt Thistlethwaite noong Lunes, dala ang mensahe na lampas sa edukasyon at kalakalan.
Ayon kay Thistlethwaite, itinuturing ng Australia ang Pilipinas bilang “key ally” sa Indo-Pacific, at patuloy na lalalim ang ugnayan sa depensa, maritime security, kalakalan, at people-to-people ties.
Sinabi niya, “We see the Philippines as a key ally and partner to deliver security and stability within our region and for both of our populations.” Binanggit niya ang maritime cooperation agreements at ang pakikilahok ng Philippine military sa Pitch Black exercise sa Australia.
Tinalakay rin ni Thistlethwaite ang AUKUS at Virginia-class submarines ng Australia bilang bridging capability bago magsimula ang sariling nuclear-powered submarines sa 2030s-2040s.
Sa South China Sea, tiniyak niya ang suporta ng Australia sa freedom of navigation at sa 2016 Arbitral Award na nagbigay ng karapatan sa mga mangingisdang Pilipino sa Scarborough Shoal.
Bukod sa depensa, binigyang-diin niya ang lumalakas na kalakalan ng Australia at Pilipinas na halos $12 bilyon na, may 250 Australian businesses na kumukuha ng 44,000 Filipino workers.
Kasama rin sa delegation si Thistlethwaite ang 25 Australian educational institutions. Pinuri niya ang workforce upskilling ng Pilipinas at ang vocational education system na base sa modelo ng Australia. Tinukoy din niya ang malaking kontribusyon ng mga Filipino sa care sector sa Australia.
Ayon kay Thistlethwaite, may karagdagang oportunidad para sa mga Filipino sa construction, edukasyon, at iba pang industriya sa Australia. “They make a great contribution to Australian multiculturalism, to our economy and our society. And Australians love Filipinos,” ani niya. RNT/MND
