Home SPORTS PH lumahok sa Asian Jiu-jitsu championship sa UAE

PH lumahok sa Asian Jiu-jitsu championship sa UAE

MANILA – Umaasa ang Pilipinas na magiging matagumpay ang kampanya sa Asian Jiu-jitsu Championships na nakatakda sa Abu Dhabi, United Arab Emirates mula Mayo 1 hanggang 5.

Binandera ng koponan sina 2022 Hangzhou Asian Games gold medalists Annie Ramirez (-57kg) at Meggie Ochoa (-48kg), at 2023 World Combat Games gold medalist Kaila Jenna Napolis (-52kg).

Kasama rin sa women’s division sina Kimberly Anne Custodio at Ma. Daniella Palanca (-45kg); Jollirine Co (-48kg), Mariella Rafael (-52kg), Rosanna Andrea Nolido (-57kg), Andrea Lois Lao (-63kg), Apryl Jessica Eppinger at Anna Angelica Mitra (-70kg), at Joanne Pauline Tan at Dylan Chrystle Reign Valmores (+70kg).

Nasa men’s roster sina Marc Alexander Lim at Michael Bryant Tiu (-69kg), Carlo Angelo Peña at Gregorio Antonio Abalos III (-56kg), Marc Francis Chua at Romeo John Alfred Raphael Arellano III (-94kg), Myron Myles Mangubat at Santino Luis Luzuriaga (-62kg), Dean Michael Roxas at Ivan Matthew Phoenix Oleta (-85kg), at Gerard Gallos at Philip Christopher Alegre (-77kg).

Samantala, walong atleta ang pinasok ng Pilipinas sa Asian Youth Championships na nakatakda sa Mayo 5 hanggang 8.

Sila ay magkapatid na Ellise Xoe (U18 -40kg) at Eliecha Zoe (U21 -45kg) Malilay, Sean Khale Juatan (U16 -48kg), Earth Chang (U18 -55kg), Vito Luis Luzuriaga (U18 +85kg), Sachi Khonghun (- 52kg), Yman Xavier Baluyo (U18 -66kg o -69kg), at Sebastien Blaize Posis-Cabanlig (U16 -52kg).

Matatandaang nanalo ng gintong medalya ang magkapatid na Mailay sa kani-kanilang kategorya sa 2022 Abu Dhabi World Youth Jiu-Jitsu Championships.

“We came here prepared. I know that our athletes will do their best to give honor to the country,” sabi ni coach John Baylon sa panayam nitong Miyerkules.

Si Baylon, isang multiple Southeast Asian (SEA) Games judo gold medalist bago lumipat sa jiu-jitsu, ay kasama sa coaching staff nina Allan Marcus, Stephen John Kamphuis, at Christopher Manuel Gallego (junior pool).