MANILA, Philippines- Bumili ang Pilipinas ng panibagong floating asset na maaaring makatulong sa mga barko sa West Philippine Sea.
Ayon sa ulat, binili ang ocean tugboat, mayroong water cannons kontra sunog, ng isang government agency na hindi pa pinapangalanan ng Filipino shipbuilder Josefa Slipways, Inc.
“[The tug] can perform immediate response in case of maritime accident or disaster by towing the ships, going into a safe port. Kaya niya hilahin even the biggest vessel of the Philippine government,” wika ni Arturo Balahadia, vice president ng Josefa Slipways, Inc.
“All these vessels are compliant with international standards,” dagdag ni Balahadia.
Inihayag ng shipbuilding firm na inirerekomenda rin niya sa isa pang government office ang multi-mission patrol vessel na mayroon ding water cannon, oil spill prevention mechanism, at maaaring maglagay ng buoys sa pinagtatalunang katubigan sa teritoryo ng bansa.
Dagdag ng kompanya, bukod sa pagtatayo ng Bureau of Fisheries and Aquatic Resources patrol vessel, gumagawa rin ang ship-building firm ang steel-hulled fishing vessels para sa mga lokal na mangingisda.
“Gawin nating bakal yung mga hull, yung construction ng mga fishing boats. Para even during bad weather conditions, matibay yung mga fishing boats natin,” giit ni Balahadia. RNT/SA
