MANILA, Philippines- Pagtuntong ng April 30 ng kasalukuyang taon, lahat ng tricycle sa buong bansa, partikular ang mga ginagamit sa public transportation, ay matatanggap ang kani-kanilang plaka, ayon sa Land Transportation Office (LTO) sa pag-ulat nito ng pagpapahusay sa pagtugon sa plate backlog sa mga motorsiklo.
Sinabi ni LTO Chief, Assistant Secretary Vigor D. Mendoza na inatasan na nila lahat ng regional directors na tiyaking lahat ng license plates ng mga tricycle ay maide-deliver pagsapit ng April 30.
Ani Mendoza, lumabas sa kanilang imbentaryo na may sapat na supply sila ng license plates upang saklawin lahat ng tricycle sa buong bansa.
Ang tanging hamon aniya ay kung paano ito maipadadala sa may-ari sa lalong madaling panahon.
“We are confident that we would be able to finish the distribution of the license plates for tricycles across the country amid the significant improvement in the license plate printing process since last year,” wika ni Asec Mendoza.
“This is part of our catch-up plan to distribute license plates. As we have committed before, we are doing everything in our power to speed up the printing and we are happy to inform the public that we were able to achieve it and right now, the challenge is to distribute them to the owners,” dagdag niya.
“Ever since, the LGUs have played a significant role in the distribution of the license plates. Even the barangay officials are always willing to assist, all that we need is to coordinate them properly.”
Bahagi ang distribusyon ng license plates para sa mga tricycle ng pagsisikap ng LTO na tugunan ang backlog sa motorcycle plates sa July ng kasalukuyang taon. RNT/SA
