MANILA, Philippines – Nangako ang mga kadete ng Philippine Military Academy (PMA) na magiging junior officers ng Armed Forces of the Philippines pagsapit ng Mayo 18, na nakahanda silang depensahan ang bansa anumang oras.
“The mere fact that I decided to join this prestigious institution, I should be prepared for anything,” sinabi ni Cadet Miguel Ponce Abesamis mula Olongapo City.
Aniya, tinuruan at sinanay siya ng akademya hindi lamang sa physical at mental capabilities kundi maging sa mga kasanayan at estratehiya na depensahan ang bansa.
“Because of how PMA developed me, and the future officer that I would be, whatever happens in my area of specialization, I should be prepared to defend the people, country, territory,” sinabi pa ni Abesamis sa press conference.
Nangako rin si Cadet Kim Harold Gilo, No. 3 ng klase, na gagawin ang makakaya para masiguro ang soberanya at kalayaan ng bansa.
“We will do our best to hone ourselves and continuously develop ourselves to be ready anytime where the sovereignty of our country will be on the line,” sinabi ni Gilo.
Ayon kay PMA Superintendent Lt. Gen. Rowen Tolentino, bahagi ng curriculum sa mga kadete ay i-expose ang mga ito sa field at magbigay ng mga kasanayan sa territorial defense.
“’Yung role nila as a platoon leader, ensign, pilots sa Air Force, kanya-kanyang role na sila for external defense, ‘yun na ‘yung nagiging focus ng mga scenario ng mga Joint Field Training Program Exercises,” ani Tolentino.
Ang graduation sa Mayo 18 ay lalahukan ng 224 lalaki at 54 babaeng kadete. RNT/JGC
