MANILA, Philippines – Pinangunahan ni Pangulong Ferdinand R. Marcos Jr., araw ng Huwebes ang swearing-in rites para kay dating Philippine National Police (PNP) chief, retired General Benjamin C. Acorda Jr., na nanumpa sa tungkulin bilang undersecretary ng Presidential Anti-Organized Crime Commission (PAOCC) sa Palasyo ng Malakanyang.
Pinalitan ni Acorda si PAOCC Executive Director Undersecretary Gilbert Cruz,
Matatandaang, itinalaga ni Pangulong Marcos si Acorda bilang hepe ng PNP mula April 2023 hanggang March 2024.
Naging miyembro ng Philippine Military Academy Sambisig Class of 1991, Nagsilbi si Acorda bilang director ng PNP Directorate for Intelligence bago pa itinalaga bilang PNP chief.
Si Cruz, dating Philippine National Police Academy (PNPA) chief, ay itinalaga bilang PAOCC Undersecretary noong January 2023.
Nilikha sa ilalim ng Executive Order No. 295 noong 2000, ang PAOCC ay inatasan na i-adopt ang hakbang para masiguro ang isang epektibo at episyenteng anti-crime drive at matukoy at malitis ang criminal groups at kanilang mga protektor sa gobyerno sa pamamagitan ng episyenteng ‘intelligence at counterintelligence efforts.’
Bilang naka-ayon sa direktiba ni Pangulong Marcos para sa nationwide ban, ang PAOCC sa ilalim ni Cruz, pangungunahan ang paglansag sa Philippine offshore gambling operations (POGO) bunsod ng sunod-sunod na human trafficking at iba pang criminal activities. (KRIS JOSE)
